حرام علينا لو ظلمنا الحمير و قلنا ان اللى بيخطط او ينفذ الحلول المرورية ممكن يكون حمار لان ده فيه ظلم بين للحمير ، تلك المخلوقات الغير ناطقة و التى تتميز بقوة التحمل و حرام ان نقول انها لا تفهم ، اما من يقومون بتخطيط طريق او وضع تصور لحل مشكلة او ازمة مرورية فاعتقد انهم يفوقون الحمير و استميح الحمير عذراً و لكنها اللغة السائدة ، لذلك فارجوا من الحمير الحقيقيين الا يغضبوا، اما اصحابنا اياهم فايتفلقوا، كل يوم و لمدة خمسة سنوات متواصلة كان الطريق الى كوبرى القبة مغلقاً ، ليه ؟ لانه يتم تنفيذ كوبرى لحل مشكلة اشارة الزاوية ، فماذا تم ؟ تم انشاء كوبرى فوق اشارة الزاوية عابراً لشارع بورسعيد ، ثم بعده بمسافة صغيرة تم انشاء وصلة اخرى مربوطة بكوبرى القبة و هى اختراع مفتكس لمهندس عبقرى ، ليه بقى ؟ لانه حل مشكلة ركن السيارات و تم تحويل تحت الكوبرى لمركن و اعمدة و جنازير و سيارات داخلة خارجة لسكان المنطقة ، و يا سلام لو قابلت حد طالع من الجراج اللى بقى تحت الكوبرى و لازم يوقف الشارع عشان يعدل عربيته و تولع العربيات اللى ماشية فى طريقها ، ما هى منطقته و ده جراجه اللى بيركن فيه، و بعدين بقى نيجى للاخوة الجهابذة بالمرور ، هو اساساً الوصلة تعدى عربيتين بالعدد فيقوموا يقفلوا نص الوصلة بفاصل حديدى من بتوع اللجان عشان يقللوا الكثافة المرورية على كوبرى القبة و نقف نص ساعة و ساعة عشان نتحرك و كل ده بعد صبر خمس سنين لحد ما الكوبرى اللى كان مفروض يجيب الفرج يخلص ، و المشكلة كانت اساساً فى اشارة الزاوية و كان سببها الرئيسى عسكرى المرور و اللجنة اللى واقفة ليل نهار عشان تمسك اعداء الوطن اللى بيلفوا فى البلد ليل نهار، و كان حلها بسيط جداً بمحور صغير يعدى الاشارة فقط و شكراً لا و الادهى بقى ان الكوبرى الجديد حاجة ايه تجنن ، كوبرى صغير و بعامودين عشان الشركة المنفذة تعد امتار فى الخرسانة ، ما هى شركة قطاع عام و مكدسة بالعاملين و الموظفين اللى هما اساساً عالة على الشعب او على دافعى الضرائب و بالتالى لازم يقبضوا و لازم السيد المهندس مدير المشروع ياخد هبرته المحترمة اللى هى مكافأة المشروع و خلى الناس تموت من الغيظ و الحر و المرار من وقفتها فى الشارع عشان تعدى و تروح شغلها، مش فاهم جنس ملة العالم دى ايه، لو هى سرقة ماشى احنا راضيين تسرقوا بس اشتغلوا صح و كل ما هاتشتغلوا هاتزيد الهبرة برضه، ضيف على كده الاتوبيسات الضخمة اللى لسه نازلة و اللى عاملة زى عمارة متحركة مع ان المفروض نصغر حجم العربيات بس ما فيش فايدة، بجد حرام نظلم الحمير
احنا محتاجين فوران مش ثورة لان كل ده ناتج الانقلاب الاسود اللى دمر كل شئ و من مصلحتهم تبقى عشوائية ، على راى يوسف شاهين احنا بنتكلم ثورة و بنكتب ثورة لكن ما بنعملش ثورة ، بنعمل اى حاجة و نسميها ثورة
حرام علينا لو ظلمنا الحمير و قلنا ان اللى بيخطط او ينفذ الحلول المرورية ممكن يكون حمار لان ده فيه ظلم بين للحمير ، تلك المخلوقات الغير ناطقة و التى تتميز بقوة التحمل و حرام ان نقول انها لا تفهم ، اما من يقومون بتخطيط طريق او وضع تصور لحل مشكلة او ازمة مرورية فاعتقد انهم يفوقون الحمير و استميح الحمير عذراً و لكنها اللغة السائدة ، لذلك فارجوا من الحمير الحقيقيين الا يغضبوا، اما اصحابنا اياهم فايتفلقوا، كل يوم و لمدة خمسة سنوات متواصلة كان الطريق الى كوبرى القبة مغلقاً ، ليه ؟ لانه يتم تنفيذ كوبرى لحل مشكلة اشارة الزاوية ، فماذا تم ؟ تم انشاء كوبرى فوق اشارة الزاوية عابراً لشارع بورسعيد ، ثم بعده بمسافة صغيرة تم انشاء وصلة اخرى مربوطة بكوبرى القبة و هى اختراع مفتكس لمهندس عبقرى ، ليه بقى ؟ لانه حل مشكلة ركن السيارات و تم تحويل تحت الكوبرى لمركن و اعمدة و جنازير و سيارات داخلة خارجة لسكان المنطقة ، و يا سلام لو قابلت حد طالع من الجراج اللى بقى تحت الكوبرى و لازم يوقف الشارع عشان يعدل عربيته و تولع العربيات اللى ماشية فى طريقها ، ما هى منطقته و ده جراجه اللى بيركن فيه، و بعدين بقى نيجى للاخوة الجهابذة بالمرور ، هو اساساً الوصلة تعدى عربيتين بالعدد فيقوموا يقفلوا نص الوصلة بفاصل حديدى من بتوع اللجان عشان يقللوا الكثافة المرورية على كوبرى القبة و نقف نص ساعة و ساعة عشان نتحرك و كل ده بعد صبر خمس سنين لحد ما الكوبرى اللى كان مفروض يجيب الفرج يخلص ، و المشكلة كانت اساساً فى اشارة الزاوية و كان سببها الرئيسى عسكرى المرور و اللجنة اللى واقفة ليل نهار عشان تمسك اعداء الوطن اللى بيلفوا فى البلد ليل نهار، و كان حلها بسيط جداً بمحور صغير يعدى الاشارة فقط و شكراً لا و الادهى بقى ان الكوبرى الجديد حاجة ايه تجنن ، كوبرى صغير و بعامودين عشان الشركة المنفذة تعد امتار فى الخرسانة ، ما هى شركة قطاع عام و مكدسة بالعاملين و الموظفين اللى هما اساساً عالة على الشعب او على دافعى الضرائب و بالتالى لازم يقبضوا و لازم السيد المهندس مدير المشروع ياخد هبرته المحترمة اللى هى مكافأة المشروع و خلى الناس تموت من الغيظ و الحر و المرار من وقفتها فى الشارع عشان تعدى و تروح شغلها، مش فاهم جنس ملة العالم دى ايه، لو هى سرقة ماشى احنا راضيين تسرقوا بس اشتغلوا صح و كل ما هاتشتغلوا هاتزيد الهبرة برضه، ضيف على كده الاتوبيسات الضخمة اللى لسه نازلة و اللى عاملة زى عمارة متحركة مع ان المفروض نصغر حجم العربيات بس ما فيش فايدة، بجد حرام نظلم الحمير
2 comments:
ليه كل حاجة فى مصر تتحول لمشكلة حتى ابسط الاشياء مع ان العالم كله ماشى و مافيش مشاكل للدرجة اللى عندنا دى
محتاجين ثورة تصحيح فى كل حاجة
احنا محتاجين فوران مش ثورة لان كل ده ناتج الانقلاب الاسود اللى دمر كل شئ و من مصلحتهم تبقى عشوائية ، على راى يوسف شاهين احنا بنتكلم ثورة و بنكتب ثورة لكن ما بنعملش ثورة ، بنعمل اى حاجة و نسميها ثورة
إرسال تعليق