العب بعيد يا ابن التيييييييييييييييييييت

السبت، 5 فبراير 2011

مش فاهم بيقول ايه العبيط الايرانى ده ؟ طالع لنا المضلل الاعلى للثورة الايرانية فى خطبة الجمعة لا و ايه بالعربى شوفتوا الحلاوة ؟ باللغة العربية اللى هما اساساً بيحتقروها و قال ايه بينسب الثورة المصرية الجديدة التى قامت على ايد شباب مصر الواعى و الجيل الجديد من المصريين بانها ثورة اسلامية ، انت عبيط ياد ؟ على راى اللمبى ، انت شكلك محروق ان اصحابك العبط المحظورين ظهروا على حقيقتهم و ان مالهمش اى وزن يذكر لا فى الثورة و لا فى الشارع و اننا كشعب مصرى انصح منهم كلهم ، طب ما تخليك عندك و شوف اللى بيحصل عندك لا و كمان بيناشد الجيش المصرى انه ينضم للشعب ، و هو مين قالك ان الجيش مش مع الشعب و الوطن ؟ شكلك كبرت و خرفت لان الكلام ده ما يطلعش غير من كفيف اعمى مخرف زيك و زى كل المرشدين عندكوا ولاد الـ........... تيييييييييت عشان الرقابة بس و عشان انا لسانى عفيف ، و بعدين عمال تتكلم عن الجيش المصرى العظيم اللى حارب اسرائيل ، طب ما تشد حيلك كده و تورينا نفسك و تحارب اسرائيل طالما بتقول عليها انها عدوكم الاول ، احنا و الحمد لله ما عندناش مشاكل و ارضنا امنة و اللى بيحصل ده تغيير فى كل اوجه الحياة عندنا و تطور نحو الديمقراطية اللى انت طبعاً ما تعرفهاش و اذا كان عندنا تزوير و قمع و كل ده فمالكش دعوة احنا نقدر نصححه و لا انت قلقان على خطة نشر الثورة اللى بتقول انها اسلامية مع انك زى الجماعة المحظورة بالظبط اللى بتستخدم الدين لاغراض سياسية و اتفضحوا و ظهروا على حقيقتهم و كل الناس واعية و فاهمة يا روح امك ، خليك بس عندك و خلى جيشك الهمام يبيد اكثر فى السنة اللى عندك فى الاهواز و يعدم الناس كل يوم و لا انت جاهل ما بتقراش تقارير منظمات حقوق الانسان اللى مش عندكوا طبعاً ، خليك فى لبنان اللى خربتها و الخليج اللى داخل عليه زى الغول انما مصر بعينك و عين اى حد يفكر بعبط زيك ، مصر للمصريين و رجعت للمصريين و ما تقلقش علينا و البس النظارة او غير الكشف عشان تشوف كويس و العب بيعد يا ابن العبيطة

8 comments:

Tears يقول...

ده راجل مع نفسه و مش فاهم ان كل فئات الشعب اشتركت فى الثورة

sharp_shooter يقول...

لا أعرف حقيقة أى أسلام يتحدث عنه ذلك المأفون البائس!! الأسلام السني؟؟! أم نسخته هو؟؟! أرجو منه أن يعفينا من سماع هذا الهراء...وليتوجه بأكاذيبه و دجله ألى شعبه المقهور....فعندنا دجالين كفاية!

Elmasryeffendi يقول...

Tears
ده بس مش مع نفسه ده كمان مخرف ، بس خليه يخرف لانه بكده و من غير ما يقصد بيجمعنا تانى و بيكشف نظامة هو الجماعات المحظورة او من على شاكلتهم و بالتالى يزداد فهم الناس و ما يركبوش الموجة بقى لانى اتخنقت منهم و من كذبهم و رغم انهم اتكشفوا و وزنهم الحقيقى بان بس عمالين يجعجعوا فى التحرير برضه بس ما يمثلوش حاجة ، احنا شعب اذكى مما يتخيلوا

Elmasryeffendi يقول...

sharp_shooter
هو اساسا ما يعرفش اى حاجة عن الاسلام ، ده بس ستار بيستخبى وراه و عاوز يركب الموجة بس بعينه و الغريبة انه لا له ناقة و لا جمل فى اللى حصل و ان كل اعوانه اتكشفوا للناس بس بيهبل ، بيفكرنى بهيكل بكبير المخرفين و الصحفى الاوحد ايام عتريس

غير معرف يقول...

aho wa7ed 3abet zy ba2eet el3obt aly gom 3asahan yrkabo elmogaa, w toz fehom kolohom

ELVIRA يقول...

الثورة اساسا بقت نهيبة له و للى زيه و عملائه فى مصر
و لو كانت نجحت فى تنحية مبارك عن السلطة فورا لكانوا هم اللى بيحكموا البلد رسمى

Elmasryeffendi يقول...

غير معروف
اه ما العبط اللى بداوا يظهروا كثير بس بعينهم مصر العظيمة بشبابها و ابنائها

Elmasryeffendi يقول...

ELVIRA
فى ناس كثير حاولت و بتحاول تلوث الثورة ، مش مهم حمارك مشى و لا لا المهم اننا غيرنا مصيرنا بايدينا و حققنا مطالبنا و بعد كده اكيد هانبقى اقوى فى التغيير للأفضل و كل الافاقين سواء اللى بيحاولوا يركبوا الثورة او يشوهوها هايخسروا و مصر هى اللى هاتكسب لان المصريين المخلصين رجعوا لحضنها تانى

إرسال تعليق